Հանգստյան օրերին ԶԼՄ-ն երի եւ սոցիալական ցանցերի թիվ մեկ քննարկման թեման դերասան Սերգեյ Դանիելյանի «Ejournal»-ում տպագրված «Հոդված էկոլոգիայի մասին» հրապարակումն էր, որտեղ էկոլոգիական խնդիրների ֆոնին վերջինիս արտահայտած որոշ մտքեր հարուցել էին լոռեցիների զայրույթը, ավելին՝ «Ֆեյսբուքում» հաշված րոպեներում խումբ բացվեց, որտեղ մի խումբ՝ հիմնականում լոռեցի օգտատերեր, հայտարարություն էին տարածել, պահանջելով հրապարակավ ներողություն խնդրել Լոռու մարզի բնակչությունից՝ հասցված վիրավորանքի համար։ Ու հենա հա՜, մարդիկ պատրաստվել էին թատերական աննախադեպ մի շոուի ականատես լինել, երբ բոլորովին անսպասելի եւ միանգամայն քաղաքակիրթ ձեւով Սերգեյ Դանիելյանը «մատ» արեց բոլորին, հրապարակավ ներողություն խնդրելով լոռեցիներից ու ոչ միայն նրանցից, ինչպես նաեւ խնդրելով չշեղվել հոդվածի բուն նյութից ու այն խնդիրներից, որ մտահոգում են բոլորիս։
– Ներողություն խնդրեցիք ավելի շատ լոռեցիների՞ ճնշմանը տեղի տալով։
– Ճնշումս ո՞րն է, ոչ մեկը ոչ մի բան չէր կարող անել, մենք ոչ մի օրենք չունենք, որ կարելի է մարդուն պատասխանատվության ենթարկել, ասենք, բարոյական ինչ-որ վնասի համար։ Ոչ ոք չէր սպասում, որ այդքան
հեշտ ներոդություն կխնդրեմ, բայց ես նման ամբիցիաներ չունեմ, ինձ բացարձակ չի հետաքրքրում, թե իմ մասին, ասենք, 10 հոգի ոնց կմտածի՝ բարոյական եմ, անբարոյական եմ։ Ախպեր, հա, ես շատ վատն եմ, հարց չկա, ի՞նչ է եղել, ես ընդամենը ուզում եմ էդ խնդիրների շուրջ մտածեք, հիմա ձեզ ի՞նչ է պետք դրա համար, պետք է, որ ես ներողությո՞ւն խնդրեմ,
Կարդացեք նաև
հարց չկա. կարամ մի հատ էլ գամ՝ կտցնեք գլխիս, բայց համ էլ մտածեք էն բանի մասին, որ գրել եմ։
Սոնա ԱԴԱՄՅԱՆ
«Հրապարակ»
