Այս խորհրդարանական ընտրությունների ուշագրավ կողմերից էին նաեւ լրատվական դաշտի ներկայացուցիչների առաջադրումները։ Սակայն պարզվում է՝ լինում է նաեւ հակառակը։ Կան պատգամավորներ, ովքեր խորհրդարանից են տեղափոխվելու լրատվական դաշտ։ Ահա այս գործիչներից է դեռեւս պատգամավոր Զոհրաբ Զոհրաբյանը։
– Պարոն Զոհրաբյան, չե՞ք փոշմանել, որ չառաջադրվեցիք։
– Իհարկե ոչ, ավելի մեծ ծրագիր ունեմ։ Ավելի մեծ միսիա ունեմ ՀՀ-ում ժողովրդի առաջ կատարելու եւ ի կատար կածեմ։
– Եվ ո՞րն է այդ մեծ միսիան։
Կարդացեք նաև
– Աշխատանքային, աշխատատեղ ստեղծելու եւ ոչ միայն դա. թողեք գաղտնի մնա։ Գաղտնիք է, համենայնդեպս կարող եմ ասել՝ 4 հարյուր տեղ ա բացվելու։
– Ինչո՞ւ եք գաղտնի պահում։
– Դե, հիմա չեմ կարա ասեմ, գաղտնի ա պահվում։ Ասեմ՝ գործարանից սկսած մինչեւ լրատվական ծառայություններ։ Ես կարծում եմ, որ մեր մոտ շատ քիչ լրատվական ծառայություններ կան, որ օբյեկտիվ աշխատում են։ Հեռուստաընկերությունը՝ մի քիչ հետո, բայց 100 տոկոսով բացելու եմ թերթ, ամսագիր, կայք, որտեղ աշխատելու են արհեստավարժ մարդիկ՝ ոչ սուտխոսան ու ոչ էլ պատվեր կատարող լրագրողներ։
Գայանե ՍԱՐԻԲԵԿՅԱՆ
«Հրապարակ»
