Ինչպես տեղեկացրել ենք, երեկ Երևանի «Հաղթանակ» կամրջից ցած էր նետվել 33-ամյա մի երիտասարդ, ով նախքան ինքնասպանություն գործելը sms էր ուղարկել եղբորը` Արտակին` տեղեկացնելով, որ գնում է վերջ տալու իր կյանքին:
Այսօր Aravot.am-ին հայտնի դարձավ, որ ինքնասպան լինողը Շիրակի մարզպետարանի քաղաքաշինության վարչության պետ Ալբերտ Մարգարյանի ավագ որդին է` Արմանը, ով աշխատում էր Ֆինանսների նախարարությունում որպես վերահսկիչ: Ի դեպ, նա ամուսնացած է, ունի երկու երեխա: Մարզպետարնի աշխատակիցիների բնութագրելով, նա խելացի, կրթված երիտասարդ էր, ավարտել է Պոլիտեխնիկական ինստիտուտը, խելահաս մասնագետ էր, շինարարների մոտ մեծ հարգանք վայելող:
Թե ինչու է դիմել նման ծայրահեղ քայլի, շիրակցիների համար այդպես էլ առեղծված է, միայն թե կա ենթադրություն, որ Արմանը մեծ պարտքերի մեջ էր: Այսօր երիտասարդի դին տեղափոխեցին Գյումրի: Նշենք, որ նրա հայրը ևս բնութագրվում է որպես համեստ ու կիրթ անձնավորություն, տեխնիկական գիտությունների թեկնածու է ու 7 տարի զբաղեցնում է վարչության պետի պաշտոնը:
Նունե ԱՐԵՎՇԱՏՅԱՆ
Կարդացեք նաև
