Հուլիսի 31-ի երեկոյան Նոյեմբերյան քաղաքի կենտրոնում` Զորավար Անդրանիկի փողոցի մեջտեղում խոզն ասֆալտի ջրափոսում լոգանք էր ընդունում: Խոզատերը` նույն փողոցի «անկյունային» շենքի բնակչուհին եւ բազմաբնակարան շենքերում ապրող կանայք փորձում էին խոզին փողոցից քշել, սակայն անասունը չէր ենթարկվում` ջրափոսում անխռով հանգստանալով: Դա շարունակվեց բավական երկար` ծիծաղեցնելով բազմաբնակարան շենքերի բնակիչներին եւ անցորդներին:
Նոյեմբերյանը գյուղատնտեսական փոքր քաղաք է, բնակիչների մի մասը` սեփական առանձնատների բնակիչներ, նաեւ անասնապահությամբ է զբաղվում:
Ոսկան ՍԱՐԳՍՅԱՆ
