Դիլիջան քաղաքի ցավոտ խնդիրը սողանքներն են: Սողանքներն ակտիվ են քաղաքային ամֆիթատրոնի դիմաց` «Մյասնիկյան» փողոցին հարակից տարածքում, ավտոկայարանի դիմացի լանջին, ինչպես նաեւ` «Դիլի» ագրոարդյունաբերական համալիր տանող ճանապարհին:
Դիլիջանի սողանքային գոտիները մասնագետների կողմից լավ ուսումնասիրված են: Այժմ իրականացվում են հակասողանքային միջոցառումներ:
Դիլիջանի քաղաքապետ Արմեն Սանթրոսյանը հայտնեց, որ պետական բյուջեի ֆինանսավորմամբ «Արփա-Սեւան» ընկերության աշխատակիցները բացում են խորհրդային տարիներին կառուցված, սակայն նախկինում չգործարկված ջրահեռացման թունելների մուտքերի անցքերը, կատարում թունելների ամրացման, բետոնապատման աշխատանքներ: Քաղաքապետն ասաց,որ թունելների բացված անցքերից մեծ քանակի ջուր է դուրս գալիս, ինչը փրկություն է սողանքային գոտում գտնվող Դիլիջանի համար:
Ոսկան ՍԱՐԳՍՅԱՆ
