Մոսկվայի դատարաններից մեկը որոշում է կայացրել այն մասին, որ համացանցային կայքերը պետք է հեռացնեն նախագահ Վլադիմիր Պուտինի դեմ «Փուսի Ռայըթ» փանք-խմբի կողմից անցկացված բողոքի մասին տեսանյութը:
Դատարանը նախօրեին որոշում է կայացրել, որ Քրիստոս Ամենափրկչի տաճարում նկարահանված տեսանյութը չափազանց ծայրահեղական է, և կարգադրել է «սահմանափակել մուտքը դեպի այդ տեսանյութը»:
Նախագահ Վլադիմիր Պուտինի դեմ ուղղված կանանց փանք-խմբի կողմից անցկացված բողոքի մասնակիցներից երկուսը խուլիգանության և կրոնական ատելության մեղադրանքներով դատապարտվել են երկու տարվա բանտարկության, իսկ երրորդ մասնակիցը պայմանական բանտարկության է դատապարտվել:
Նախագահ Պուտինի ընդդիմախոսներն այլախոհությունը ճնշելու դեմ ուղղված քաղաքական քայլ են անվանել «Փուսի Ռայըթ»-ի անդամների դատավարությունը, սակայն Մոսկվայի կենտրոնական տաճարում այս տարվա փետրվարին խմբի մասնակիցների կողմից անցկացված բողոքի ցույցն առաջացրել է հավատացյալներից շատերի զայրույթը:
Կարդացեք նաև
Դատարանը հրապարակել է այն կայքերի ցանկը, որտեղ տեղադրված է արգելված տեսանյութը՝ սպառնալով, որ տեսանյութը չարգելափակելու դեպքում կդադարեցվի կայքերի աշխատանքը: Դեռևս սակայն հայտնի չէ, թե երբ է ուժի մեջ մտնելու դատարանի որոշումը:
«Ամերիկայի ձայն» ռադիոկայան
