Նա փամփուշտները պահել է ավելի քան 23 տարի:
Տավուշի մարզի Պտղավան գյուղի բնակիչ, 1949 թվականին ծնված Գառնիկ Քառյանին մեղադրանք է առաջադրվել այն բանի համար, որ 1988-1990 թվականներին, հանդիսանալով Նոյեմբերյանի շրջանի Պտղավանի սովխոզի դիրեկտոր, Ադրբեջանի հայաշատ վայրերից մեր հայրենակիցների բռնագաղթման եւ Պտղավանից ադրբեջանցիների Ադրբեջան վերաբնակեցման ժամանակաշրջանում Պտղավանի սովխոզի գանձապահ, ադրբեջանցի Մահեդ Աղաքշիեւից ձեռք է բերել գյուղի բնակիչների կրակային պատրաստակամությունը բարելավելու նպատակով Նոյեմբերյանի շրջանի ԴՕՍԱԱՖ-ի կողմից վերջինիս տրամադրված , գործարանային արտադրության 5.6 մմ տրամաչափի ռազմամթերք հանդիսացող 400 հատ փամփուշտ, որոնք մինչեւ 2013թ. հունվարի 14-ը ապօրինի կերպով պահել է իր շենքին հարակից ավտոտնակում:
Գառնիկ Քառյանը նախկինում դատված չէ: Նրա նկատմամբ խափանման միջոց է ընտրվել չհեռանալու մասին ստորագրությունը: Նրան մեղադրանք է առաջադրվել ՀՀ քրեական օրենսգրքի 235 հոդվածի 1-ին մասով («Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, փոխադրելը կամ կրելը»): Սույն հոդվածը նախատեսում է կալանք՝ առավելագույնը 3 ամիս ժամկետով կամ ազատազրկում՝ առավելագույնը 3 տարի ժամկետով: Այս քրեական գործով դատական առաջին նիստը նշանակված է մարտի 29-ին: Հավելենք, որ Պտղավանը սահմանակից է Վրաստանի Մառնեուլիի շրջանին, որը հիմնականում բնակեցված է ադրբեջանցիներով:
Կարդացեք նաև
Ոսկան ՍԱՐԳՍՅԱՆ
Աշոտ Մանուկյանին էլ ժամանակին բանտ գցեցին Արցախյան պատերազմից մնացած փամփուշտներ ունենալու համար: Դրանք նույնպես ձեռք էին բերվել ինքնապաշտպանությունը զինելու համար:
Հայաստանում միայն հանցագործները կարող են անպատիժ զենք-զինամթերք ունենալ: Սրբություն-բան չի մնացել, եթե վաղը նորից պատեռազմ բռնկվի, ո՞վ է կամավոր գնալու: