Ինչպես տեղեկացրել ենք, այսօր ժամը 13.00-ի սահմաններում, Գյումրու Շիրակացի 54բ շենքի մոտ կրակել էին ԱԺ ԲՀԿ-ական պատգամավոր Մարտուն Գիրգորյանի թիմակիցների` նրա հանգուցյալ հորեղբոր` Սերոբի երեխաների կնքահոր`քավոր Հարութի և Շեկոյի վրա, որոնք հրազենային վնասվածքներով տեղափոխվել էին Գյումրու նորաբաց բժշկական կենտրոն:
Շեկոն՝ Արտյոմ Կարապետյանը, մահացել էր, իսկ քավոր Հարութը վերակենդանացման բաժնում է: Բժիշկների հաղորդմամբ՝ նրա վիճակը ծանր է: Ըստ շրջանառվող լուրերի, կրակոցների հեղինակը Գյումրու նախկին քաղաքապետ Վարդան Ղուկասյանի եղբորորդիներն են ու նրանց մտերիմը` Պատոյի Հովոն, որոնք փորձել են իրենց վրեժը հանել Քավոր Հարութից:
Գյումրիում տարածված խոսակցություների համաձայն՝ երկու օր առաջ, Վարդան Ղուկասյանի միջնեկ դստեր` Աննայի հարսանիքի ժամանակ, Ղուկասյան եղբայրների` Վարդանի, Գևորգի և Անդրանիկի որդիները`Սպարտակը, Նիկոլայը և Վահիկը, բարձր տրամադրության մեջ գտնվելով, հայտարարել են, թե՝ մենք Ղուկասյան ազգանունը չկրենք, եթե Կոլիկի վրեժը քավոր Հարութենցից չլուծենք:
Իսկ թե ինչ վրեժի մասին է խոսքը, հիշեցնենք, որ մոտ երկու ամիս առաջ՝ նախագահական ընտրությունների նախաշեմին, քավոր Հարութի սպորտսմեն որդին Սլաբոդկա թաղամասում, որտեղ ապրում են Ղուկասյանները, հարվածել էր նախկին քաղաքապետի եղբորորդուն` Նիկոլայ Ղուկասյանին՝ կոտրելով նրա գլուխը: Այս փաստի առթիվ հարուցվեց քրեական գործ: Ղուկասյանների տղաներն էլ որոշել են վրեժխնդիր լինել քավոր Հարութից:
Կարդացեք նաև
Կրակոցները հնչել էին հենց քավոր Հարութի տան մոտ, ուր մտնելիս են եղել տանտերը Շեկոյի հետ, սակայն նշենք, որ արյունապատ էին դիմացի շենքի մուտքի աստիճանները: Ամենայն հավականությամբ՝ քավոր Հարութն ու Շեկոն փորձել են պատսպարվել դիմացի շենքում:
Քիչ առաջ Շիրակացի փողոցում երթեկությունը դադարեցված էր, ոստիկանները փակել էին ճանապարհը: Հարևանները խուճապի մեջ էին, որ «օրը ցերեկով մարդ են գյուլլում»:
Քիչ առաջ նաև հայտնի դարձավ, որ ոստիկանությունը Բագրատաշենի սահմանային անցակետից բերման է ենթարկել Նիկոլայ Ղուկասյանին, իսկ հենց այս պահին 6-րդ վարչությունը Գյումրու ռեստորանահյուրանոցային համալիրներում փնտրում է մյուս կասկածյալներին` Վարդան Ղուկասյանի մյուս եղբորորդուն` Վահիկին ու Պատոյի Հովոյին:
Նշենք, որ մայրաքաղաքից Գյումրի են բերվել ոստիկանության հատուկ խմբեր: Գյումերցիների մոտ կա մտավախություն, որ Շեկոյի մահը էժան չի նստի ու կունենա շարունակություն:
Նունե ԱՐԵՎՇԱՏՅԱՆ
Այ անթասիբ անասուններ,իրար հետ պայմանավորվեք,հավաքվեք քաղաքից դուրս՝ Մարտունիկ-Վարդանիկներով հանդերձ, ու ձեր ռազբորկաները տղամարդավարի լուծեք՝ միմյանց սատկացրեք,այլ ոչ թե քաղաքում՝ անմեղ մարդկանց միջավայրում:Ասենք՝ որտե՞ղից ձեր մեջ էդքան տղամարդկություն ու թասիբ:
Անասունը դու ես, որ վիրտուալ է լեզուտ երկար;Հետոել խոսում ես տղամարդկությունից;Բառերդ չափավորի ու մտածելով խոսի;
Լ-թ ջան հերքի.քեզանից չէ,որ չես հերքում կամ ուրիշի անվան տակ լկտի մեկնաբանություններ չես գրում…զարմացած եմ…
վարդան ջան էլ ինչ հերքի…իրա տերերը այնքան են լկտիացել,որ հենց իրենք օրը ցերեկով ամենաբանուկ փողոցներից մեկի վրա մարդ են գյուլլում առանց երեսները թաքցնելու.դաբռո ունեն.