ՀՀ Վարչական դատարանի դատավոր Կարեն Ավետիսյանը հրապարակեց «Բարեւ Երեւան» դաշինքի անդամ Դանիել Իոանիսյանի հայցը ԿԸՀ-ի դեմ՝ 24.04.2013թ. 92-Ա որոշումը փոխելու, դրանում 07.04.2013թ. Երեւանի քաղաքապետարանի կողմից Մայրության եւ գեղեցկության օրվա կապակցությամբ կազմակերպված միջոցառումը ՀՀ ընտրական օրենսգրքի պահանջների խախտում հանդիսացող գործողություն ճանաչելու մասին: Հայցվորը, որը որոշման հրապարակմանը չէր մասնակցում, հայտնել էր դատարանին, որ ապրիլի 7-ի կապակցությամբ քաղաքացիներին ավագանու անդամի թեկնածու Տարոն Մարգարյանի անունից բյուջետային գումարներով ծաղիկներ է բաժանվել, ինչը, ըստ հայցվորի՝ վարչական ռեսուրսի չարաշահում էր Տարոն Մարգարյանի կողմից:
