Այս պահին ԿԸՀ-ում ՀՀ ոստիկանության իրավաբանական վարչութան պետ, ոստիկանության գնդապետ Թաթուլ Պետրոսյանը տվյալներ հաղորդեց մինչեւ քվեարկության օրվա ու այս պահի դրությամբ ստացված դիմումների, հաղորդումների եւ դրանց քննարկման արդյունքների վերաբերյալ:
Նրա փոխանցմամբ` ոստիկանապետի հրամանով ստեղծվել է համակարգող աշխատանքային խումբ, հանձնարարվել է առավելագույնս արձագանքել իրավախախտումներից յուրաքանչյուրին, պատշաճ կարգով քննարկել, ստուգումներ իրականացնել:
«Իրավախախտումների հստակ արձագանքման համար գործում է թեժ գիծ եւ ոստիկանությունը մոնիթորինգ է իրականացնում: Առաջնային խնդիր ենք համարում հանցագործներին կանխարգելելը: Տեղեկացնեմ նաեւ, որ զինված ուղեկցում է իրականացվել քվեաթերթիկների տեղափոխման ժամանակ, առավոտյան դրանք հանձնվել են հանձնաժողովների նախագահներին, ոչ մի խախտում չի արձանագրվել»:
Պետրոսյանի խոսքով` բոլոր 464 ընտրատեղամասերում ոստիկանների կողմից իրականացվում է վերահսկողություն:
Կարդացեք նաև
Քարոզարշավի սկզբից մինչ այսօր ոստիկանությունում 23 ահազանգ է ստացվել` ընտրակաշառքի, քարոզչությանը խոչընդոտելու, ծեծի վերաբերյալ, իսկ 2-ով արդեն գործ է հարուցվել:
Եվա ՀԱԿՈԲՅԱՆ