«Մարտունու կանանց համայնքային խորհուրդ» հ/կ ներկայացուցիչ Եղիազար Դավթյանն այսօր «Մեդիա» կենտրոնում ասաց, որ ժամը 14.00-ի դրությամբ իրենց կազմակերպության դիտորդները լուրջ խախտումներ չեն գրանցել:
Նրա խոսքով՝ իրենց դիտորդներից մեկը ահազանգել է, որ թիվ 2/12 տեղամասում ինչ-որ երիտասարդ ընտրատեղամաս մտնող քաղաքացիներին հեռախոս է փոխանցում: Դիտորդը նկատել է, որ ընտրատեղամասից դուրս գալուց քաղաքացիները այդ հեռախոսը հանձնել են այդ նույն երիտասարդին: Երբ դիտորդը մոտեցել է պարզելու երիտասարդի ինքնությունը, նա լքել է ընտրատեղամասի տարածքը:
Բանախոսի պնդմամբ՝ ավագանու ընտրությանը մասնակցող ընտրողների թիվը զգալի բարձր է, քան նախագահական ընտրության ժամանակ:
Աշոտ ԱԹԱՅԱՆ