Վեճից հետո հարեւանը ինֆարկտից մահացել է
Լոռու մարզի առաջին ատյանի դատարանում, դատավոր Մարինե Մելքոնյանի նախագահությամբ, շարունակվում է խուլիգանության մեջ մեղադրվող Արամայիս Ղալաչյանի եւ նրա որդու` Յուրի Ղալաչյանի դատաքննությունը:
Համաձայն մեղադրական եզրակացության` 2010թ. նոյեմբերի 16-ի գիշերը Արամայիս Ղալաչյանը ջերմոցի կաթսան կարգավորելու համար Լոռու մարզի Արջուտ գյուղ է կանչել իր որդիներ Յուրի Ղալաչյանին և Արտյոմ Մայիլյանին: Ապա գիշերվա ուշ ժամին իր ամառանոցի հարևանությամբ ապրող Ռոբերտ Մանուկյանից պարզաբանումներ ստանալու համար, իր տղաների հետ գնացել է նրանց տուն և ջուր անցկացնելու հարցի վերաբերյալ վիճել են, ծեծի է ենթարկել նրա կնոջը` Վերգուշ Խաչատրյանին, խանգարել նրանց գիշերային անդորրը, քարերով հարվածել են նրանց դարպասին, տվել հայհոյանքներ:
Յուրի Ղալաչյանին մեղադրանք է առաջադրվել այն բանի համար, որ նա հոր` Արամայիս Ղալաչյանի հետ վիճաբանել է Վերգուշ Խաչատրյանի և Ռոբերտ Մանուկյանի հետ, ծեծի են ենթարկել Վերգուշ Խաչատրյանին, քարերով հարվածել են Մանուկյանի տան դարպասներին:
Կարդացեք նաև
Նշենք, որ Ռոբերտ Մանուկյանը այդ գիշեր վեճից հետո ինֆարկտից մահացել է:
Անուշ ԲՈՒԼՂԱԴԱՐՅԱՆ
