Սանկտ Պետերբուրգում ձևավորվել է «ՈւՀԱ-ի (КВН) հայկական լիգա»: Հայտնում է «Երկրամաս» թերթը՝ հղում անելով «Նոր սերունդ» երիտասարդական կազմակերպությանը:
«Հայկական լիգա»-ի բացման խաղը անցկացվել է մայիսի 31-ին Վասիլեօստրովսկի շրջանի երիտասարդական տանը, որին մասնակցել են երեք ակումբներ: Երրորդ տեղը գրավել է Սանկտ Պետերբուրգի «Հումոր ակցենտով» թիմը, երկրորդ տեղը զբաղեցրել է «Ֆրեշ»-ը, որը նույնպես Սանկտ Պետերբուրգի ակումբ է, իսկ հաղթող է ճանաչվել Մոսկվայի «Ռուսաստանի հայեր» թիմը: Միջոցառմանը ներկա էին ավելի քան 200 հոգի, այդ թվում՝ Սանկտ Պետերբուրգում ՀՀ գլխավոր հյուպատոս Վարդան Հակոբյանը: Խաղը վարել է շոումեն Արմեն Ղազարյանը:
Հայկական լիգան հիմնադրել է Սանկտ Պետերբուրգի «Նոր սերունդ» կազմակերպությունը, որն ավելի քան երեք տարի է, ինչ զբաղվում է համայնքային գործունեությամբ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
