1in.am-ի զրուցակիցն է Գյումրիի նախկին քաղաքապետ Վարդան Ղուկասյանը:
– Պարոն Ղուկասյան, այսօր Գյումրիում տոնական համերգ է, «Գյումրին՝ 2013-ին ԱՊՀ երկրների մշակութային մայրաքաղաք» ծրագրի մեկնարկն է: Միջոցառմանը ներկա չեք: Որպես նախկին քաղաքապետի՝ Ձեզ չէի՞ն հրավիրել արդյոք:
– Այսօրվա միջոցառման հրավերք չեմ ստացել, բայց ես ուրախ եմ, որ իմ ժամանակ Գյումրին ճանաչվեց մշակույթի մայրաքաղաք: Ուրախ եմ, որ ես դա արեցի, որ Գյումրին ճանաչվի մշակույթի մայրաքաղաք իմ ժամանակ:
Ես 13 տարի աշխատել եմ, որ Գյումրին դառնա մշակութային մայրաքաղաք, աշխատել են նաև Հայաստանի կառավարությունն ու նախագահը, որ Գյումրին ճանաչվի մշակութային մայրաքաղաք: Եվ ուրախ եմ, որ մայրաքաղաքից տեղափոխվեցիք երկրորդ քաղաք, ոչ թե երկրորդական:
Կարդացեք նաև
– Այսօր ասուլիսին Սամվել Բալասանյանն ասում էր, որ իր քաղաքապետ եղած ժամանակ բավական աշխատանքներ են կատարվել՝ ենթակառուցվածքների արդիականացման և այլ ուղղություններով, Գյումրիում իրականացվել է ասֆալտապատում:
– Իր ժամանակ միայն ստուգումներ են կատարվել, մեկ էլ մարդկանց բռնել, դատի տալ: Բացի բռնել տալուց՝ ոչ մի բան չի արել:
Ինչ վերաբերում է ասֆալտապատման աշխատանքներին, փառք երկրի նախագահին, որ ասֆալտապատում է նախաձեռնել Գյումրի քաղաքում. ինքը այդտեղ ընդհանրապես կապ չունի: Փառք երկրի նախագահին, որ նման ասֆալտապատում է արել Գյումրի քաղաքում:
– Մամուլը բազմիցս անդրադարձավ Ձեզ պատասխանատվության ենթարկելուն, Ձեր չարաշահումներին. ի՞նչ կասեք:
– Ես, որպես քաղաքապետ, որևէ չարաշահում չեմ ունեցել, չարաշահումներ պետք է փնտրել գործեր տվողների մեջ, այդ ամեն ինչը սարքողների մեջ: Ես 13 տարի աշխատել եմ՝ իմ ամեն ինչը նվիրելով իմ քաղաքին, իմ երկրին, և եթե որևիցե մեկը իմ չարաշահումների հետ կապված մի բան է ասում, ուրեմն նա անբարոյական պոռնիկ է:
Սիրանույշ Պապյան
Հարցազրույցն ամբողջությամբ կարող եք կարդալ՝ 1in.am-ի կայքում:
անբարոյական պոռնի՞կ…
Հըմմմ. պետք է պոռնիկների զտում անցկացնել և թոիլ չտալ այդ անբարոյականները գան ու խառնվեն բարոյականներին:
Տեսեք, մի քանի նախադասության մեջ, քանի անգամ է նշում երկրի նախագահի անունը, որը նա
միանշանակ ասում է այն մասին՝, որ – հարգելի նախագահ, ես ձեր հետ եմ, ձեր թայֆայից, ինձ դուրս
մի շպրտեք, ես դեռ պետք եմ գալու, ես ,,անառակաբարո պոռնիկ,, չեմ:
Վերջերս նախագահի ծննդյան տարեդարձն էր: Ես շատ ուշադիր հետևում էի, թե ինչպես կշնորհավորի ժողովուրդը իր նախադահին,՝ այդ առիթով: Եվ հավատացեք, ժողովուրդը ոչ մի ձև
չշնորհավորեց: Ես ականատես եմ եղել թե՝ Էստոնիայի ժողովուրդը ինչպես է շնորհավում, իր երկրորդ և երրորդ նախադահների ծննդյան օրերը՝ իրենց ազգային երգերով, և մտածել՝ երնեկ այդ
ժողովրդին, և Լենարդ Մերրիին, Առնոյլդ Րյուտելին: Առաջին նախադահի ծննդյան արարողությանը
չէի կարող ականատես լինել, քանի որ Կոստանտին Պյատսը ղեկավարել է մինչև 1940 թ.ը՝ օկուպացիան:
Մաքսիմ, ինչ երջանիկ ես, որ Էստոնիայի նման քաղաքակիրթ երկրում ես ապրում: Էդ Էստանիայի կողքը մի փոքր ազատ հողակտոր չի լինի՞, մեր ամբողջ ազգին տեղափոխենք էդ կողմերը: Վստահ եմ մի քսան տարում նրանց նման կդառնանք, թե չէ էս թուրքերի հոտն իսկ մեզ խոչընդոտում է քաղաքակրթվելու գործընթացում ու թույլ չի տալիս նմանվել էստոնացիներին և մյուս խարտյաշներին… TERE!