Datalex.am. Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանը վարույթ է ընդունել Նելլի Սիմոնյանի գործը: Դատավոր Մխիթար Պապոյանի նախագահությամբ կքննվի ՀՀ Քրեական օրենսգրքի 333 հոդվածի 1-ին մասով առաջադրված մեղադրանքը:
1989-ին ծնված Նելլի Սիմոնյանը, ըստ մեղադրական եզրակացության, գիտակցելով կեղծ տեղեկատվություն տրամադրելու իրողության հետեւանքները, 2013թ. ապրիլի 8-ին ՀՀ ոստիկանության Կենտրոնական բաժնում իրականությանը չհամապատասխանող հաղորդում է տվել, որ 2013թ. ապրիլի 5-ին Երեւանի Կորեայի Ձորում Արծրուն անունով անձնավորությունը բռնաբարել է իրեն:
Մեղադրյալի նկատմամբ որպես խափանման միջոց է ընտրվել ստորագրությունը չհեռանալու մասին:
