Հուլիսի 12-ին կայացել է Տավուշի մարզխորհրդի նիստ, որը վարել է մարզպետ Արմեն Ղուլարյանը: Տավուշի մարզպետարանից հայտնում են, որ նիստում մարզպետարանի ֆինանսական եւ սոցիալ-տնտեսական զարգացման վարչության պետ Ռոբերտ Ներսիսյանը ներկայացրել է մարզի համայնքների տեղական բյուջեների 2013թ. առաջին կիսամյակի կատարողականը:
Հուլիսի 1-ի դրությամբ մարզի համայնքների փաստացի մուտքը կազմում է 1103.1 միլիոն դրամ, որը նախատեսված եկամուտների 94 տոկոսն է: Վիճակն ավելի վատ է համայնքների սեփական եկամուտների հավաքագրման առումով: Մարզի 62 համայնքներում (որից 5-ը՝ քաղաքային) սեփական եկամուտների հավաքագրումը կազմել է ընդամենը 243, 6 միլիոն դրամ կամ հավաքագրվել է նախատեսվածի 80.8 տոկոսը:
Ռ. Ներսիսյանը տարբեր եկամտատեսակների ցածր կատարողականներ ունեցող համայնքների ղեկավարների ուշադրությունն է հրավիրել թերակատարումների վրա եւ առաջարկել կտրուկ միջոցներ ձեռնարկել հավաքագրման մակարդակը բարձրացնելու համար,քանի որ այն կարող է հանգեցնել բյուջեով նախատեսված ծախսերի թերակատարման եւ պարտքերի առաջացման:
Ոսկան ՍԱՐԳՍՅԱՆ
