Այսօր Բելգրադում ընթացող շախմատի Եվրոպայի կանանց 14-րդ անհատական առաջնության երրորդ տուրում Հայաստանի չորս շախմատիստուհիների զույգերը լինելու են. Մարիա Կուրսովա-Իրինա Բուլմագա (Ռումինիա), Լիլիթ Գալոյան-Լելա Ջավախիշվիլի (Վրաստան), Լիլիթ Մկրտչյան-Մերի Արաբիձե (Վրաստան), Աննա Հայրապետյան-Բարբարա Դիզդարեւիչ (Սերբիա):
Մեր աղջիկներից միայն Մարիա Կուրսովան է մեկնարկային երկու տուրերում առավելության հասել մրցակիցների նկատմամբ: Մյուս երեք շախմատիստուհիները երեկ ոչ-ոքի են խաղացել: Նրանք մրցաշարային աղյուսակում դասավորված են այսպիսի հաջորդականությամբ:
24.Մարիա Կուրսովա՝ 2,0 միավոր
29.Լիլիթ Գալոյան՝ 1,5
45.Լիլիթ Մկրտչյան՝ 1,5
115. Աննա Հայրապետյան՝ 0,5:
Եվրոպայի առաջնությանը մասնակցում է 35 երկրի 169 շախմատիստուհի:
Աշոտ ՀԱԿՈԲՅԱՆ
