Հատված Փաստաբանների պալատի նախագահի թեկնածու Կրոմվել Գրիգորյանի հարցազրույցից:
– Բոլոր հավակնորդներն իրենց քարոզարշավը կառուցել են Փաստաբանների պալատի անցած տարիների գործունեության քննադատության վրա։ Ձեր կարծիքով, ի՞նչ ձեռքբերումներ ու բացթողումներ են արձանագրվել։
– Այս ընթացքում Պալատն ունեցել է բազում բացթողումներ։ Իմ գնահատականը բացասական է։ Պալատը ծառայել է մի անձի՝ Ռուբեն Սահակյանին։
Այսօր փաստաբանները երկու ճամբարի են բաժանվել՝ յուրայինների եւ օտարների։ Ռ. Սահակյանի շրջապատում գտնվողներն օգտվում են արտոնություններից, «օտարները»՝ ոչ։
Կարդացեք նաև
Ցավով եմ արձանագրում,
որ Պալատի նախագահի շնորհիվ Փաստաբանների պալատի խորհրդի ընտրություններն անցկացվում են նախապես մշակված ցուցակներով, ընտրված անձանցով։ Չի հաջողվել ձեւավորել ամուր, միասնական խորհրդի կազմ, տարաձայնությունների պակաս չի նկատվել։
Ամենակարեւորը՝ ներկայիս նախագահի անգործության պատճառով Փաստաբանների պալատն այսօր չունի այնպիսի հեղինակություն, որի հետ հաշվի կնստեին դատական համակարգը, դատախազությունը, ոստիկանությունն ու ԱԱԾ-ն։
Մինչդեռ փաստաբանին պետք է հարգեն եւ հաշվի նստեն նրա կարծիքի հետ։ Նախաքննության մարմնի հետ գործարքի չգնացող փաստաբանները թիրախ են դառնում վարույթն իրականացնող մարմնի համար։ Հաճախ նրանց նկատմամբ կարգապահական վարույթ է հարուցվում Պալատի կողմից։
Աննա ՄՈՒՐԱԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
