Կրթության ազգային ինստիտուտի փոխտնօրեն, «Ժառանգության» նախկին պատգամավոր Անահիտ Բախշյանը մտահոգ է: Ասում է տարածքային կառավարման նախարարությունը Արմեն Գեւորգյանի ստորագրությամբ մարզային կրթությունների վարչություններին եւ քաղաքապետարանին է ուղարկել ուսումնաօժանդակ աշխատակազմի տիպային հաստիքների մասին հաստիքացուցակ, ըստ որի մինչեւ 100 աշակերտ ունեցող դպրոցների տնօրենին, ոչ մի տեղակալ չի տրվում, իսկ մինչեւ 300 աշակերտ ունեցող դպրոցների տնօրեններին ընդամենը մեկ տեղակալ է տրվում:
«Եվ սա այն դեպքում, երբ դպրոցը ՊՈԱԿ է, որն ունի կանոնադրություն եւ ինքնակառավարվող հիմնարկ է, որն ինքն է տնօրինում իր անելքին ու աշխատակազմը»,-ասում է տիկին Բախշյանը ու հավելում, որ այդ հաստիքացուցակը պարտադրվում է դպրոցներին՝ մարզային կրթության վարչությունների միջոցով եւ ներքին կարգով հրահանգվում է կրճատել տնօրենների տեղակալներին: Կրթության փորձագետի ձեւակերպմամբ, եթե մինչեւ հարյուր աշակերտ ունեցող դպրոցներին զրկում են տնօրենի տեղակալ ունենալուց, ստացվում է, որ տնօրենը եւ ուսմասվար է, եւ դաստիարակության գծով տեղակալ, եւ տնտեսվար:
«Այդ հաստիքացուցակի նպատակն այն է, որ նախատեսվող աշխատավարձերի բարձրացումը արվի այդ փոխտնօրենների հաստիքների կրճատման հաշվին: Փոխանակ հետեւեն, որ դպրոցների տնօրենները եւ մարզպետերը կամայականություններ թույլ չտան, վերցնում եւ կրճատում են հաստիքները: Եվ սա այն դեպքում, երբ քաղաքապետը հինգ օգնական եւ ութ խորհրդական ունի, 5 մլն 819 000 աշխատավարձ է տրվում նրանց: Թող այդ հաստիքները կրճատեն: Կամ նախագահը ունի հսկա բանակ ապարատ, որը հայտնի չէ, թե ինչով է զբաղված, նախարարներն ունեն բազում խորհրդականները: Թող այդ հաստիքները կրճատեն եւ խնայեն մսխվող պետական միջոցները»,- առաջարկում է Անահիտ Բախշյանը:
Կարդացեք նաև
Գոհար ՀԱԿՈԲՅԱՆ
Եվ,ընդհանրապես, իշխանական ապարատում, նախարարություններում շատ-շատ են ավելորդ, անհասկանալի ու ոչինչ չանող հաստիքները հարազատ-բարեկամների համար…. այդտեղ պետք է մտածել խնայելու ,մասին…