Ընդդիմության բոլոր անօրինական ցույցերը, որոնք ուղղված կլինեն ընտրությունների արդյունքները չճանաչելուն, խստորեն կճնշվեն, մամուլի ասուլիսի ժամանակ հայտնել է Իլհամ Ալիևի ընտրական շտաբի ղեկավար Ալի Ահմեդովը: Հայտնում է «ՌԻԱ Նովոստի» լրատվականը:
«Դա իրենց (ընդդիմադիրների) իրավունքն է, նրանք կարող են զանգվածային միջոցառումներ իրականացնել, բայց միայն օրինական ճանապարհով: Բոլոր անօրինական ցույցերը խստորեն կճնշվեն: Այդ ցույցերի համար հատուկ վայրեր կհատկացվեն, ու նրանք կարող են այնտեղ իրականացնել իրենց զանգվածային միջոցառումները», – ասել է Ահմեդովը:
Ըստ նրա, վաղուց ժամանակն է, որ Ադրբեջանում բարձր քաղաքական մշակույթ ձևավորվի:
«Պարտվողը պետք է իր պարտությունն ընդունելուն ունակ լինի», – ասել է Ահմեդովը՝ «Ենի Ադրբեջան» կուսակցության գործադիր քարտուղարը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
