Ուկրաինայի նախագահ Վիկտոր Յանուկովիչը առաջարկել է մորատորիում հայտարարել ցանկացած ուժի կիրառմանը, մինչ երկրի խորհրդարանը կուսումնասիրի ԵՄ-ի հետ ասոցացման պայմանագրից բխող բոլոր ռիսկերը: Հայտնում է ուկրաինական «Ինտերֆաքս»-ը:
«Գործնականում ես ներկայացնում եմ այս առաջարկը, իսկ այդ ժամանակահատվածում մորատորիում հայտարարել (սառեցնել) ցանկացած ուժի կիրառմանը», – ասել է Յանուկովիչն այսօր կայացած «Միավորենք Ուկրաինան» համազգային կլոր սեղանի ժամանակ:
«Բոլոր խոսակցությունները, որ հիմա ուժային գործողություններ են նախապատրաստվում, ասեմ ձեզ, ինքս կարդացել եմ համացանցում. զինվելու, ինչ-որ մեկին սպանելու, ինչ-որ մեկին կախելու և այլ կոչերը… Ես դրա մասին չեմ խոսի, այդ ամենը հույզեր են, սադրանքներ են, դրանք ավելի են սրում իրավիճակը: Եվ ում դա անհանգստացնում է, կգա ժամանակը ու բոլորս կհասկանանք: Եկեք ավելի խելամիտ լինենք, հանգիստ լուծենք մեր խնդիրները հայրենի հողի վրա», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
