Հենց նոր Aravot.am-ին հայտնի դարձավ, որ ՀՀ ոստիկանապետ Վլադիմիր Գասպարյանը Շիրակի մարզի ոստիկանապետ Կարեն Բաբակեխյանին պաշտոնազրկելուց ու կադրերի ռեզերվ ուղարկելուց հետո, մեկ այլ փոփոխություն է կատարել Շիրակի մարզում: Նա մարզի քննչական բաժնի պետ Ալբերտ Երիցյանին նշանակել է ՀՀ ոստիկանության քննչական գլխավոր վարչության պետի տեղակալ:
Վերջինս մոտ երկու տարի է` ինչ զբաղեցնում է այդ պաշտոնը, բնութագրվում է որպես համեստ անձնավորություն, որը, սակայն, մայրաքաղաքից էր և մի կերպ էր դիմանում Գյումրիում: Ըստ որոշ տեղեկությունների, նրա ամենամեծ խնդիրն այն էր, որ ընտանիքը իր հետ չէր բնակվում Գյումրիում, և նա ստիպված էր լինում անընդմեջ մայրաքաղաք մեկնել:
Նրա պաշտոնը այս պահի դրությամբ դեռ թափուր է:
Նունե ԱՐԵՎՇԱՏՅԱՆ
Այսպես կոչված վովայական “բարեփոխումները”` փոխատեղումներ, տեղափոխումներ, ազատումներ, պաշտոնազրկումներ, թոզ փչոցի են, բոլորը պետք է հրաժարական տան և հեռանան, իսկ աղոթողներին այլևս ոչ ոք չի հավատում, քանի դեռ Շանթին, ընկերներին, Վարդանին, Վալոդյային քաղազատազրկած են պահում,
Գասպարյան Վովան սրանց հախից կգա