ՕԵԿ կուսակցության նախագահ Արթուր Բաղդասարյանը կարծում է, որ երկրի ղեկավարությանը մասնակցած ցանկացած քաղաքական գործիչ՝ առավել եւս նախկին նախագահներն ու վարչապետներն իրավունք ունեն արտահայտվելու երկրի կառավարման վերաբերյալ, հարցեր հնչեցնելու եւ ակնկալելու իրենց հնչեցրած բովանդակային հարցերին բովանդակային պատասխաններ, որոնք հասարակությունը պետք է լսի, տեսնի, քննարկի եւ վերլուծի: Այս համատեքստում է նա դիտարկում վերջին շրջանում Ռոբերտ Քոչարյան-կառավարություն հրապարակային հեռակա բանավեճը: Արթուր Բաղդասարյանը վստահ է, որ ինչպես Քոչարյանը, այդպես էլ Տեր-Պետրոսյանն ու նախկին վարչապետ Հրանտ Բագրատյանը իրենց բարձրացրած բովանդակային հարցերի պատասխանները պետք է հստակ ստանան: Ինչ վերաբերում է ՀՀ երկրորդ նախագահի հավանական վերադարձին քաղաքականություն, ապա Արթուր Բաղդասարյանը կարծում է, որ դեռ շուտ է այդ մասին խոսելը, սակայն Քոչարյանն ունի իր հետ համագործակցած եւ համագործակցելու պոտենցիալ ունեցող քաղաքական ուժեր:
Իսկ արդյոք ինքն անձամբ պատրաստվո՞ւմ է առաջադրվել 2018թ. նախագահական ընտրություններին՝ այս հարցին ՕԵԿ ղեկավարը պատասխանեց հարցով՝ հիմա 2014-ի սկիզբն է, չէ՞, դուք գիտե՞ք, թե ձեզ հետ 2014-ի վերջին ինչ կպատահի: Ու այս պատասխանը միանգամից բերեց մեկ այլ հարցի՝ 23 տարի հետո ակնկալվող բարձր կենսաթոշակների մասին, որոնց համար այսօրվանից մեր երիտասարդներին ստիպում են հրաժարվել իրենց աշխատավարձի մի մասից: Պարոն Բաղդասարյանը համամիտ է, որ կենսաթոշակային բարեփոխումների հարցը լայն եւ խորը քննարկման տեղիք ունի, սակայն նաեւ վստահ է, որ այլընտրանք չկա այդ բարեփոխումներին: «Մեր երկրում բազմաթիվ մարդիկ կան, որոնք պատրաստ են հինգ տարին մեկ անգամ հինգ հազար դրամով ծախել իրենց ձայնը, ուզո՞ւմ եք ամեն ամիս նրանցից այդ հինգ հազար վերցնել ու նա ձայն չհանի՞»,- զարմանում է ՕԵԿ ղեկավարը եւ ասում, որ բարեփոխումները լուրջ քննարկման տեղիք ունեն: «Որոտան» ՀէԿՀ վաճառքը ՕԵԿ նախագահը գնահատում է որպես «փայլուն գործարք»՝ համարելով, որ 180մլն դոլարի ամերիկյան ներդրումը մեր տնտեսության մեջ շատ տեղին էր: Իսկ կառավարությունից ավելի արդյունավետ աշխատանք է ակնկալում:
Մանրամասները՝ տեսանյութում.
Կարդացեք նաև
Մելանյա ԲԱՐՍԵՂՅԱՆ
Սրա ասածներից կարելի է գալ հետևության, որ երկիրը փրկելու ոչ մի հնարք չկա։