Մայրական եւ մանկական մահացությունների ցուցանիշը մեր երկրում վերջին մեկ տարում կտրուկ նվազել է: Առաջին անգամ 1000 ծնունդի հաշվարկով մանկական մահացությունը գրանցվել է 10 պրոմիլեից ներքեւ, ինչը առողջապահության նախարարության մոր եւ մանկան առողջության պահպանման վարչության պետ Կարինե Սարիբեկյանի հավաստմամբ՝ Հայաստանի նման երկրի համար բավականին լավ ցուցանիշ է: Չնայած, որ Եվրոպական երկրների չափանիշներով, այդ ցուցանիշները դեռեւս նվազելու տեղ ունեն:
Ծննդօգնության հավաստագրերի տեղայնացումից հետո էլ, երբ որոշվեց, որ մարզերի ծննդկանները պետք է հենց մարզերում ծննդաբերեն՝ ֆինանսական միջոցները տվյալ բուժհիմնարկներում պահելու համար, տիկին Սարիբեկյանի տվյալներով՝ մարզերի ծննդկանների հոսքը դեպի մայրաքաղաք 25%-ով նվազել է:
Շուրջ 30 %-ով էլ նվազել է նաեւ հիվանդանոցային եւ տնային պայմաններում մահացած երեխաներ թիվը:
Լուսինե ԲՈՒԴԱՂՅԱՆ
Կարդացեք նաև
