«Էլիտ պլազա» բիզնես կենտրոնում այսօր մեկնարկեց շախմատի տղամարդկանց Եվրոպայի 15-րդ անհատական առաջնությունը:
Երեւան են ժամանել Եվրոպայի գրեթե բոլոր ուժեղագույն շախմատիստները՝ 258 մասնակից: Նրանք չեմպիոնի ու մրցանակակիրների կոչումներից բացի պայքարում են այն 23 ուղեգրերի համար, որոնք Աշխարհի գավաթի մասնակցության իրավունք են տալիս:
Ամենից շատ մասնակից ունի Հայաստանը՝ 80-ից ավելի: Մեր դրոշի պատիվը պաշտպանում են ինչպես ներկայումս գործող մեր ամենաակտիվ շախմատիստները, այլեւ ավագ սերնդի ներկայացուցիչները, այդ թվում նաեւ Ռաֆայել Վահանյանը, որոնք հազվադեպ են մասնակցում նմանատիպ խոշորամասշտաբ մրցաշարերի:
Կարդացեք նաև
Առաջնության գլխավոր մրցավար, միջազգային կարգի մրցավար Աշոտ Վարդապետյանը առաջնության մեկնարկից րոպեներ առաջ բոլոր մասնակիցներին եւս մեկ անգամ հիշեցրեց կանոնները, որից հետո բոլոր 129 ժամացույցները գործի դրվեցին:
Աշոտ ՀԱԿՈԲՅԱՆ
