RIA-Novosti -ի հաղորդմամբ՝ ՌԴ նախագահի խորհրդական Սերգեյ Գլազեւը հայտարարել է, որ Ռուսաստանը կհրաժարվի դոլարից, եթե ԱՄՆ-ն պատժամիջոցներ կիրառի Ռուսաստանի դեմ։ Սերգեյ Գլազեւը մասնավորապես նշել է, որ ստիպված կլինեն այլ արտարժույթներ օգտագործել, ստեղծել վճարման սեփական համակարգ։ Նա նաեւ հավելել է՝ «Մենք գերազանց հարաբերություններ ունենք Արեւելքում եւ Հարավում մեր գործընկերների հետ, ինչի շնորհիվ հնարավորություն կունենանք զրոյացնել ԱՄՆ-ից մեր ֆինանսական կախվածությունը»:
Սերգեյ Գլազեւի հայտարարության մեջ նաեւ ասվում է, որ եթե ԱՄՆ-ն որոշի սառեցնել Ռուսաստանի քաղաքացիների եւ ընկերությունների հաշվեհամարները, ապա Մոսկվան էլ իր հերթին կհրաժարվի վերադարձնել ռուսական կառույցներին տրված ամերիկյան բանկերի վարկերը։ ՌԴ նախագահի խորհրդականը զգուշացրել է, որ պատժամիջոցը երկկողմ զենք է, ու եթե ԱՄՆ-ն սառեցնում է իրենց ակտիվները, ապա ՌԴ կազմակերպությունների դոլարային պարտքերը նույնպես կսառեցվեն եւ բանկերն ու կազմակերպությունները չեն վերադարձնի ամերիկացի գործընկերների պարտքերը:
Եվա ՀԱԿՈԲՅԱՆ
