Արևմուտքը, Ղրիմի ճգնաժամին ի պատասխան, պատրաստվում է արագացնել Վրաստանի` Հյուսիս-Ատլանտյան դաշինքի անդամակցության գործընթացը:
Սեպտեմբերին արդեն Վրաստանը կարող է ձեռնամուխ լինել ՆԱՏՕ-ի անդամակցության գործողությունների ծրագրի իրագործմանը: Այս մասին այսօր գրում է ռուսական Коммерсант-ը՝ վկայակոչելով արևմտյան դիվանագիտական աղբյուրները:
«Եթե մարտի 16-ի հանրաքվեի արդյունքում Ղրիմի մտնի Ռուսաստանի կազմի մեջ, ապա սեպտեմբերին` Մեծ Բրիտանիայում կայանալիք ՆԱՏՕ-ի գագաթնաժողովի ընթացքում Վրաստանի անդամակցության գործողությունների պլան կտրամադրվի»,- մոսկովյան պարբերականին է փոխանցել ՆԱՏՕ-ի դիվանագիտական աղբյուրը:
«Այս նույն տեղեկությունը հաստատեցին նաև Միացյալ Նահանգների պետքարտուղարությունում»,-գրում է Коммерсант-ը՝ հիշեցնելով, որ այս ծրագրի տրամադրման հույսեր Վրաստանն ուներ դեռ 2008-ի ապրիլին՝ ՆԱՏՕ-ի բուխարեստյան համաժողովի ընթացքում:
Կարդացեք նաև
«Այն ժամանակ, սակայն, Ֆրանսիան և Գերմանիան ընդդիմացան այս ծրագրին, իսկ դեռ 2008-ին Ռուսաստանի կողմից Աբխազիայի և Հարավային Օսիայի անկախության ճանաչումից հետո, այս հարցն ընդհանրապես դուրս եկավ օրակարգից»,- գրում է թերթը:
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
