Նոյեմբերյանի բժշկական կենտրոնի տնօրեն Աշոտ Գյոզալյանից տեղեկացանք, որ բուժհիմնարկն ազատվել է նախորդ տարիներին կուտակված պարտքերից: Դրանցից ամենահները 14-15 տարվա վաղեմություն ունեն: Ա. Գյոզալյանի վկայությամբ՝ առողջապահական հիմնարկի ֆինանսական վիճակը վատթարացել էր հատկապես 2011 թվականին, երբ Նոյեմբերյանի հիվանդանոցից առանձնացան Զորականի, Ոսկեվանի եւ Բագրատաշենի բժշկական ամբուլատորիաները:
Այդ պատճառով բուժհիմնարկի կողմից սպասարկվող բնակչության թիվը 16500-ից նվազեց մինչեւ 6500, համապատասխանաբար նվազեց նաեւ ֆինանսավորման չափը: Այդ ժամանակ հիմնարկության պարտքերը կազմում էին 38 միլիոն դրամ: Բժշկական ծառայությունների որակի բարելավման, վճարովի ծառայությունների ծավալի ավելացման շնորհիվ բուժկենտրոնը շտկել է իր ֆինանսական դրությունը:
Ոսկան ՍԱՐԳՍՅԱՆ
