Ռուսաստանի վարած քաղաքականությունը չի ազդի Հարավատլանտյան դաշինքի հետագա ընդլայնմանը, հայտնել է ՆԱՏՕ-ի գլխավոր քարտուղար Անդերս Ֆոգ Ռասմուսենը: Փոխանցում է «ԻՏԱՌ-ՏԱՍՍ»-ը:
«Ռուսաստանի գործողությունները չեն ազդի մեր քաղաքականության վրա: ՆԱՏՕ-ի դռները շարունակում են բաց մնալ (նոր անդամների համար)», – ասել է նա Բրյուսելում Չեռնոգորիայի վարչապետ Միլո Ջուկանովիչի հետ հանդիպումից հետո՝ ավելացնելով, որ ՆԱՏՕ-ին անդամակցելու գործընթացը տեղի է ունենում առանց երրորդ երկրի միջամտության, – «Եթե թեկնածու երկիրը համապատասխանում է բոլոր չափանիշներին, և դրա հետ համաձայն են ՆԱՏՕ-ի անդամ բոլոր 28 երկրները, ապա մենք կարող ենք ընդլայնվելու մասին որոշում ընդունել: Ո՛չ Ռուսաստանը, ո՛չ էլ ուրիշ երրորդ երկիր չեն կարող ազդել դրա վրա»:
Այդուհանդերձ, Ռասմուսենը նշել է, որ իրենք նոր երկրի անդամակցության մասին ոչ մի որոշում դեռ չեն ընդունել, բայց շարունակում են խորհրդակցությունները թեկնածու պետությունների հետ:
Պատրաստեց Հովհաննես ԻՇԽԱՆՅԱՆԸ
մենակ փորձեք, ու կստանաք համապատասխան պատասխան, ասենք վենեսուելայում կամ Կուբայում