Հավակնորդների մրցաշարը լուսաբանող որոշ լրատվամիջոցներ արդեն շշնջում են այն մասին, որ ապագա հաղթողն արդեն հայտնի է: Նրանք նկատի ունեն Վիշվանաթան Անանդին, որն այս մրցաշարում ոչ միայն իսկապես բարձրակարգ շախմատ է խաղում, այլեւ լավ հաշվարկում է մրցաշարային աղյուսակում տիրող իրավիճակը:
Մասնավորապես, այսօր 10-րդ տուրում հնդիկ գրոսմայստերը, որը մեկ միավորի առավելությամբ գլխավորում է մրցաշարային աղյուսակը, արդեն 30-րդ քայլում սպիտակներով ոչ-ոքի արեց Շախրիյար Մամեդյարովի հետ` վստահ լինելով, որ մրցակիցները ռիսկի են դիմելու հաշվի տարբերությունը կրճատելու համար: Սակայն շախմատային մասնագետների մեծամասնությունը դեռեւս չի շտապում վերջնական արդյունքի մասին դատողություններ անել` համարելով, որ մրցաշարի ավարտին դեռ հինգ տուր կա եւ ամեն բան կարող է տեղի ունենալ: Օրինակ Պյոտր Սվիդլերը այսօր հաղթեց Վլադիմիր Կրամնիկին ու Մամեդյարովի, Դմիտրի Անդրեյկինի հետ ոչ-ոքի խաղացած Սերգեյ Կարյակինի հետ միասին 5,0 միավորով շրջանցեց նրան: Իսկ Արոնյանը, որ Վեսելին Տոպալովի հետ պարտիայում որոշակի առավելություն ուներ, այնուամենայնիվ, համաձայնեց ոչ-ոքիի:
Աշոտ ՀԱԿՈԲՅԱՆ
Լուսանկարը` yourepeat-ի
Կարդացեք նաև
