Այս մասին օրերս ավագանու նիստի ժամանակ ելույթով հանդես եկավ քաղաքապետարանի ֆինանսական բաժնի պետ Լենա Ջիլավյանը: Նրա տեղեկացմամբ, քաղաքապետարանի ծրագրերի և արտաքին կապերի բաժինները միավորվելու են և արդյունքում 8 հաստիք կրճատվելու է:
Ըստ տիկնոջ, բոլոր բաժինների գծով կատարվում են տնտեսումներ, որովհետև այսուհետ այս բոլորին վճարելու են բացառապես տեղական բյուջեի հաշվին, սուբսիդավորում այդ նպատակի համար այլևս չի կատարվի, պետք է տեղավորվեն ստացած եկամուտների մեջ, իսկ քաղաքային բյուջեն այդքան միջոցներ չունի:
Լենա Ջիլավյանի մատուցմամբ, ուսումնասիրվում են նաև մշակույթի, սպորտի բաժինների և նախակրթարանների հաստիքները:
Գյումրու ավագանու անդամ Լևոն Բարսեղյանն էլ կարծիք հայտնեց, որ հենց այս երկու բաժինների նորմալ գործունեության համար միջոցներ չպիտի խնայեր քաղաքապետարանը, որովհետև տարիների ընթացքում այս բաժինները կարող էին լուրջ եկամուտներ ապահովել:
Կարդացեք նաև
Լևոն Բարսեղյանը նաև կարծիք հայտնեց, որ քաղաքապետարանի աշխատակազմը արտաքին գնահատման կարիք ունի և առաջարկեց որոշակի գումար հատկացնել ու գնահատել հաստիքակազմի կարողություններն ու կարիքները: Վերջինս առաջարկեց այս հարցի քվեարկումը հետաձգել, սակայն Սամվել Բալասանյանը առարկեց՝ նշելով, որ ժամանակի խնդիր ունեն և եթե նրանց հարցը քվեարկության դնեն մյուս ավագանու նիստի ժամանակ, ապա վճարելու խնդիր կունենան:
Ըստ քաղաքապետի, համայնքային ծառայողի աշխատավարձը չի բարձրացվել ու վճարումը պիտի կատարվի համայնքային բյուջեի հաշվին: «Ինձ համար շատ դժվար է նման քայլի գնալ, բայց ստիպված ենք գնալ»,- ասաց քաղաքապետը:
Նշենք, որ ավելի վաղ, ավագանու նիստերից մեկի ժամանակ Լենա Ջիլավյանը, վկայակոչելով վիճակագրական պաշտոնական տվյալները՝ հայտնել էր, որ Գյումրիից 2013 թվականի ընթացքում 23 հազար մարդ է արտագաղթել, սա էլ, բնականաբար, իր բացասական հետևանքներն է թողել բյուջեի հավաքագրման գործընթացում:
Մանրամասները՝ տեսանյութում
Նունե ԱՐԵՎՇԱՏՅԱՆ
Սուտ է, ոչ մի կրճատում չկա, քաղաքապետարանի ապարատը տրաքում է, իսկ իրանք մենակ դատարկ խոսում են, միայն ջիլավյանի բաժնում 3 նոր անգործ մարդ են ընդունել