«Հայաստանում նախագահն ու վարչապետն իրար խանգարում են. կամ մեկն է ավելորդ կամ մյուսը: Ճիշտ կլինի, որ վարչապետական կառավարման համակարգ ներդրվի, այն, ինչ նշված է սահմանադրական հայեցակարգում»,-այսօր Հայաստանում սահմանադրական բարեփոխումների նախնական հայեցակարգի թեմայով հանրային քննարկումների ժամանակ այսպիսի կարծիք հայտնեց իրավապաշտպան Արտակ Զեյնալյանը:
Այնուհետև շեշտեց, թե իր գործունեության ընթացքում հանգել է այն եզրակացության, որ Սահմանադրության մեջ կան լրջագույն խնդիրներ, որոնք թույլ չեն տալիս պաշտպանել մարդու իրավունքները:
Այնուհետև հարցրեց՝ հնարավոր համարո՞ւմ եք գլխավոր դատախազի պաշտոնի առաջադրման հնարավորություն տրվի քաղաքական փոքրամասնությանը, որ հավասարակշռի իշխանությանը:
Այս առիթով ՀՀ արդարադատության նախկին նախարար Հրայր Թովմասյանը պատասխանեց. «Դատախազն իր ֆունկցիաներով մեր Սահմանադրությամբ գտնվում է դատական իշխանության հատվածում, բայց իր գործունեությամբ գործադիր իշխանությանն է բնորոշ: Իսկ այն մոտեցումը, որ գործադիրը կիսել տարբեր քաղաքական ուժերի միջև, արդյունավետ չեմ համարում: Քաղաքական փոքրամասնության լիազորություններն ավելի շատ վերահսկողական պիտի լինեն: Ուստի դեմ կլինեմ այդ մոտեցմանը»:
Կարդացեք նաև
Տաթև ՀԱՐՈՒԹՅՈՒՆՅԱՆ
