ՀՀԿ խմբակցության մի քանի պատգամավորներ՝ Առաքել Մովսիսյանը, Արայիկ Գրիգորյանը եւ Վարդան Այվազյանը, երեկ խորհրդարանի նիստին մասնակցել են մեղմ ասած անսթափ վիճակում, ընդ որում՝ Առաքել Մովսիսյանը հաջողացրել է նույնիսկ հավասարակշռությունը կորցնել եւ վայր ընկնել հենց դահլիճում։
«ՉԻ» – Պատգամավորների վարքագիծը միանգամայն հասկանալի է. եթե կառավարության ծրագրի փոխարեն բաժակաճառ է ներկայացվում՝ նրանք էլ, պարզ է, հենց այդ վիճակում պիտի լինեին։ Նրանց միակ սխալն այն է եղել, որ մենակ– մենակ են խմել ու հետները մի քանի շիշ չեն բերել դահլիճ։
Ինչ վերաբերում է այն հանգամանքին, որ Առաքել Մովսիսյանը (նույն ինքը՝ Շմայսը) անկում է արձանագրել, ապա դա, հասկանալի է, լրագրողների հիվանդ երեւակայության արդյունքն է: Իրականում իր այդ արարքով հանրապետական պատգամավորն իր զորակցությունն է հայտնել կառավարության ծրագրին՝ ցույց տալով, թե ինչ տեղի կունենա ՀՀ տնտեսության հետ, եթե ստվերը չկրճատվի:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
