Փորձագետ Խորեն Զաքարյանին Կոտայքի մարզի ընդհանուր իրավասության դատարան հրավիրելու միջնորդություն արեց ավտովթարի գործով մեղադրվող Վարդան Պետրոսյանի պաշտպան Նիկոլայ Բաղդասարյանը: Կոտայքի մարզի դատախազի տեղակալ, մեղադրանքը դատարանում պաշտպանող Արթուր Սարգսյանը չառարկեց, որ փորձագետը ներկայանա դատարան:
Տուժողների ներկայացուցիչ Սուրեն Բալոյանը դեմ արտահայտվեց փորձագետի դատարան ներկայանալուն, ինչ-որ տեղ պաշտպանության տակ վերցնելով նրան, ասելով, թե փորձագետը մանրակրկիտ վերլուծել է, որ բախման արդյունքում ավտոմեքենայից թափված հետքերը երթեւեկելի մասից դուրս են եղել: Դատավոր Վաղինակ Մկրտչյանը բավարարեց միջնորդությունը: Փորձագետը դատարան կներկայանա ապացույցների հետազոտումից հետո:
Ռուզան ՄԻՆԱՍՅԱՆ