2013 թվականին «Հայաստանի սովետական սպաների միությունը» եւ Եվրասիական ժողովրդական նախաձեռնությունը հարցում էին ուղարկել ՀՀ-ում ԱՄՆ դեսպանատանը`դեսպան Ջոն Հեֆերնին հորդորելով ներկայացնել, թե ի՞նչ պայմաններով է ԱՄՆ դեսպանատան նոր համալիրի կառուցման համար տրամադրվել այդ հսկայական տարածքը: Մինչ դեսպանին դիմելը, կազմակերպության անդամները ավելի վաղ դիմել են եւ ՀՀ վարչապետին, եւ Հայաստանի ճարտարապետների միությանը եւ քաղաքապետարան: Տարբեր կառույցներից, տարբեր պատասխաններ են ստացել, ինչը կասկածի տեղիք է տվել: Այդ էր պատճառը, որ նախաձեռնության անդամները դիմել են ԱՄՆ դեսպանին`հստակության ակնկալիքով:
ՀՀ-ում ԱՄՆ դեսպանատունը պատասխանել է նամակին: Այսօր, «Հայկական սոցիալիստական հեղափոխության ճակատ» անհատ քաղաքացիների նախաձեռնության անդրանիկ հավաքին, նախաձեռնության անդամ Արմենուհի Ղազարյանն ընթերցեց դեսպանի պատասխանը: Ըստ այդմ, ԱՄՆ դեսպանատունը սույն տարածքը`8 հեկտար, ձեռք է բերել երկու միլիոն ԱՄՆ դոլարով: Մինչդեռ, Արմենուհի Ղազարյանն ասաց, որ կադաստրից տեղեկություն ունեն, որ 11 հա է հատկացվել, քաղաքապետարանն ասել է 8 հա:
Ի դեպ, տարիներ առաջ, «Օր» թերթում տված մի հարցազրույցում ԱՄՆ դեսպանատան աշխատակիցն է ասել է, որ տարածքը գնվել է երկու միլիոն երեք հարյուր հազար դոլարով:
Այլ մանրամասները` տեսանյութում
Կարդացեք նաև
«Այս հանցավոր գործարքին մասնակից են Նարեկ Սարգսյանը, Ռոբերտ Քոչարյանը, Անդրանիկ Մարգարյանը: Քաղաքապետ է եղել Ալբերտ Բազեյանը, որը իր համաձայնությունը չի տվել այս գործարքին»,- ասաց Արմենուհի Ղազարյանը:
Նելլի ԳՐԻԳՈՐՅԱՆ
