Այսօր Aravot.am-ը ԼՂՀ նախկին արտգործնախարար Արման Մելիքյանից հետաքրքրվեց՝ ղարաբաղա-ադրբեջանական շփման գծում եւ հայ-ադրբեջանական սահմանին առկա իրավիճակի հետ կապված ՀՀ ԱԳՆ-ի արձագանքն ինչպե՞ս է գնահատում, այն համարժե՞ք էր կատարվածին, պետք չէ՞ր ավելի կոշտ արձագանք:
Արման Մելիքյանը պատասխանեց. «Ստեղծված իրավիճակում կոշտ արձագանքի տեղը ռազմաճակատն է: Դիվանագիտական գերատեսչության խնդիրն էր կանխել լարվածության առաջացումը սնող քաղաքական նախադրյալների ահագնացումը:
Տասնամյակների ընթացքում կուտակված քաղաքական եւ դրանց ածանցյալը հանդիսացող դիվանագիտական սխալներն ու բացթողումները կարող են հանգեցնել հակառակորդի ռազմական ակտիվության այսպիսի պարբերական պոռթկումների»:
Մեր հարցին՝ կարծիք կա, որ ԱԳՆ-ի արձագանքն այդ կրակոցների հետ կապված բավականին ուշ եղավ, դիվանագիտական տեսանկյունից այդ ուշացումն ինչքանո՞վ է հիմնավորված: Արման Մելիքյանը պատասխանեց. «Դա արդեն էական չէ: Հայկական կողմերի ընդհանուր քաղաքական մոտեցումները պետք է որոշակի փոփոխությունների ենթարկվեն: Միայն այդ դեպքում մեր արտաքին քաղաքական գերատեսչության արձագանքները կդառնան նպատակային, կդադարեն լինել սոսկ քարոզչական բնույթ ունեցող մի բան»:
Կարդացեք նաև
Հռիփսիմե ՋԵԲԵՋՅԱՆ
