«Մոսկվա» կինոթատրոնի մոտ երեկ, ի պաշտպանություն դերասան Վարդան Պետրոսյանի, սկսվել է ստորագրահավաք։ Սա արդեն երկրորդ ստորագրահավաքն է՝ անկախ փորձաքննության պահանջով։ Առաջինը կազմակերպվել է ամիսներ առաջ՝ դերասանի խափանման միջոցը փոխելու համար։ Հ
իշեցնենք, որ հոկտեմբերի 20-ին՝ ժամը 21:20–ի սահմաններում, Եղվարդ-Երեւան ավտոճանապարհի 32-րդ կմ-ում բախվել էին BMW մակնիշի 04 ՍԼ 920 համարանիշի եւ «ՎԱԶ 2121» մակնիշի 870 ՕԼ 64 համարանիշի ավտոմեքենաները, որի արդյունքում մահացել են երկու երեխաներ։ Դեպքի առթիվ հարուցվել է քրեական գործ՝ ՔՕ 242-րդ հոդվածի 3-րդ մասի հատկանիշներով։
Դերասանի պաշտպան Նիկոլայ Բաղդասարյանի կարծիքով՝ հասարակությունն է պահանջում, որ տեղի ունենա անկախ փորձաքննություն, եւ նրանք ուզում են պարզել՝ արդյոք Վարդան Պետրոսյանը խախտե՞լ է ճանապարհային երթեւեկության կանոնները, թե՞ ոչ։ «Գոյություն ունեն այնպիսի ապացույցներ, որ Վարդան Պետրոսյանը դուրս չի եկել ճանապարհի երթեւեկելի մասից դեպի կողնակ։ Եթե այս ամենը հաստատվեց, նրան պետք է արդարացնեն»,- ասաց Բաղդասարյանը։
Պաշտպանի համոզմամբ՝ հանրությունը շարժվում է արդարադատության ուղիով. «Որպես փաստաբան, շատ հաճելի է հասարակության նման պահանջը, եթե ոչ մեկ նման պահանջ չներկայացնի արդարադատության նկատմամբ, պետությունը կգնա լճացման։ Այս միջոցով գործադիր մարմինը պետք է հասարակության կողմից ներկայացված պահանջները հաշվի առնի եւ թույլ տա անկախ փորձագետներին անել իրենց աշխատանքը»։
Կարդացեք նաև
Աննա ՄԱԹԵՎՈՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
