Մաքսային միության անդամ երկրների՝ Ռուսաստանի, Բելառուսի և Ղազախստանի նախագահները պատրաստ են հանդիպել Ուկրաինայի նախագահ Պետրո Պոռոշենկոյի հետ, այդ մասին հայտնել է Ուկրաինայում Բելառուսի դեսպան Վալենտին Վելիչկոն, փոխանցում է «ՈւՆԻԱՆ»-ը:
«Պուտինը, Նազարբաևը և Լուկաշենկոն հաստատել են [Ուկրաինայի նախագահի հետ հանդիպելու պատրաստակամությունը], դա փոխանցվել է մեր նախագահի կողմից և հասցվել Ուկրաինայի նախագահ Պետրո Ալեքսեյի Պոռոշենկոյին», – ասել է Վելիչկոն:
Դեսպանը նշել է, որ հանդիպման կոնկրետ ժամկետի և ձևաչափի մասին պայմանավորվածություն դեռ ձեռք չի բերվել: Քննարկվում է հանդիպմանը ԱՄՆ-ի կամ եվրոպական երկրների պաշտոնյաներին ներգրավելու հարցը:
«Նրանք ուզում են, որ եթե հանդիպումը տեղի ունենա, ապա ներկա լինեն ԱՄՆ-ի կամ Եվրամիության ներկայացուցիչներ: Երբ որոշվի հանդիպման ձևաչափը, այդ ժամանակ դրա մասին կհայտարարվի», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
