Aravot.am-ը այսօր «Էխո» հաշմանդամների հարցերով զբաղվող հ/կ նախագահ Սերյոժա Օհանջանյանից հետաքրքրվեց, թե ինչպիսի՞ն է պետության աջակցությունը Հայաստանի մարզերում եւ հատկապես սահմանամերձ գյուղերում բնակվող հաշմանդամություն ունեցող անձանց նկատմամբ, ինչին նա պատասխանեց, որ որեւէ հստակ քայլ չի ձեռնարկվում մարզերում հաշմանդամների համար պայմաններ ստեղծելու համար. «Քայլեր ձեռնարկվում են միայն Երեւանում, սակայն այստեղ էլ դեռ շատ աշխատելու եւ շտկելու խնդիրներ կան»:
Նրա խոսքով` հասարակական կազմակերպությունները նույնպես շատ պասիվ են աշխատում մարզերում: Նրա կարծիքով` դա գալիս է ֆինանսական միջոցների պակասից:
«Պետությունն էլ միայն թոշակ է տրամադրում հաշմանդամություն ունեցող անձանց, ուրիշ ոչինչ, սակայն այդ թոշակը այնքան ծիծաղելու գումար է: Օրինակ` առաջին կարգի հաշմանդամություն ունեցող անձը ստանում է ընդամենը 18 հազար դրամ, որն անգամ մեկնաբանության կարիք էլ չունի»,-հավելեց կազմակերպության նախագահը:
Էլյա ՀՈՎՀԱՆՆԻՍՅԱՆ
