Ուկրաինայի նախագահ Պետրո Պոռոշենկոն լուծարել է Գերագույն Ռադան և արտահերթ ընտրությունները նշանակել 2014թ. հոկտեմբերի 26-ին, այդ մասին նա հայտնել է Թվիթերի իր էջում:
«Սիրելի հայրենակիցներ, ես որոշեցի վաղաժամ դադարեցնել Գերագույն Ռադայի 7-րդ գումարման լիազորությունները: Նոր խորհրդարանի ընտրությունները կանցկացվեն 2014թ. հոկտեմբերի 26-ին», – հայտնել է Պոռոշենկոն՝ նշելով, որ արտահերթ ընտրությունները չեն ազատում ներկայիս պատգամավորներին պատասխանատվությունից և նրանք պետք է աշխատեն մինչև նոր խորհրդարանի ձևավորումը, – «Կարևորը, որ նրանք պետք է անեն, սեպտեմբերին Եվրոմիության ասոցացման պայմանագիրը վավերացնելն է»:
Նախագահը վստահեցրել է, որ ընտրություններն անցկացվելու են արդարության, ժողովրդավարության և թափանցիկության սկզբունքների հիման վրա և ուկրաինացիներին ակտիվ մասնակցության կոչ է արել:
Պատրաստեց Հովհաննես ԻՇԽԱՆՅԱՆԸ
