Ստեփանյանների 3 սերունդ ավարտել է Գորիսի Ակ.Բակունցի անվան թիվ 1 ավագ դպրոցը: Այդ գերդաստանի մարդիկ Գորիսում հայտնի են իրենց լավ սովորելով, ընտանեկան հարուստ գրադարանով, որի դռները բաց են եղել բոլոր գրքասերների առջև:
Ստեփանյանների 3 սերնդի շառավիղներից Մարտուն և Սուսաննա Ստեփանյանները 1994 թ. տեղափոխվել են Երևան: Այդ օրվանից նրանց ընտանեկան գրադարանի դուռը ոչ մեկը չի բացել: Իսկ նրանց գրադարանը հարուստ է գեղարվեստական ու մասնագիտական գրականությամբ, որի կարիքն այսօր շատ ունեն դպրոցականները: Դրա համար Սուսաննա և Մարտուն Ստեփանյան ամուսինները իրենց գրադարանից 800 կտոր գիրք նվիրեցին Գորիսի Ակսել Բակունցի անվան թիվ 1 ավագ դպրոցին: «Ես ուրախությունից եմ արտասվում,-սրբելով աչքերից հոսող արցունքները,-ասում է Մարտունը,- Հիմա որ այս գրքերը բացող ու կարդացող կունենան: Երեխաներն իրենց անհրաժեշտ գրքերի համար դռնեդուռ չեն ընկնի, իսկ դա մեզ համար ամենամեծ գնահատանքը կլինի»:
Դպրոցի տնօրեն Կարինե Մովսիսյանն իր երախտիքը Ստեփանյաններին հայտնեց շնորհակալագրով, իսկ դպրոցականները` իրենց երգով:
Ալվարդ Մեսրոպյան
Կարդացեք նաև
Գորիս
