«Հաջողությունը հենց այնպես չի տրվում: Հաջողությունը ճանապարհ է, դժվար ճանապարհ: Այսօր ուզում եմ հարցնել՝ դուք պատրա՞ստ եք այս ճանապարհին այսօր: Ուրեմն ես էլ հայտարարում եմ, որ ես պատրաստ եմ ձեր կողքին եւ ձեզ հետ լինելու»- Ազատության հրապարակում հայտարարեց Գագիկ Ծառուկյանը:
Նա ասաց, որ այսօր ելույթ չի ունենալու, ելույթ կունենա հաջորդ հանրահավաքում, այսօր կլսի իր ընկերներին: Նա միայն ասաց, որ ինչ խոստացել է՝ կատարելու է եւ հետ չի կանգնելու իր խոսքերից. «Մենք պետք է գործենք հաշվարկված քայլերով, խելամիտ, որ կարողանանք հասնել հաջողությունների, այդ դեպքում հաջողությունն ավելի շուտ կգա, քան մենք սպասում ենք: Աստված ձեզ պահապան»:
Հռիփսիմե ՋԵԲԵՋՅԱՆ
