«Քաղաքական և միջազգային հարաբերությունների հայկական կենտրոնի» տնօրեն, քաղաքագետ Աղասի Ենոքյանը կարծում է, որ Եվրասիական տնտեսական միությանը միանալու դեպքում միայն անվտանգության սպառնալիքներն են ավելանալու:
«Անվտանգության բարելավման հույս չկա, սա միայն սպառնալիք է, հույս չէ, սարսափներ պետք է սպասել»,- «Մեդիալաբին» ասում է Աղասի Ենոքյանը:
Նրա խոսքով՝ Ռուսաստանն անցած մեկ տարվա ընթացքում հստակ ցույց տվեց իր դեմքը: Նախ Ուկրաինայում երևաց, թե Ռուսաստանն ով է, հետո Հայաստանում փոքրիկ դոզաներով Ռուսաստանը ցույց տվեց, թե ինքն ով է: Այնպես որ, ըստ քաղաքագետի, ԵՏՄ-ն անվտանգության տեսանկյունից ամբողջովին Հայաստանի դեմ է ուղղված:
Այս փուլում, երբ ոչ իշխանական եռյակը հանրահավաքներ է անցկացնում, իրենց ընդդիմադիր համարող այս ուժերի ներկայացուցիչները խուսափում են հրապարակային ելույթներ ունենալ Եվրասիական ինտեգրման դեմ և քննադատել Հայաստանի իշխանությունների այդ քայլը:
Կարդացեք նաև
Աղասի Ենոքյանն ասում է, որ եռյակը պրոռուսական է, նրանց այդ հարցը չի մտահոգում:
«Այսօր այդ եռյակի առաջնորդը՝ Գագիկ Ծառուկյանն իր հարցազրույցում կրկին անգամ հաստատել է եռյակի պրոռուսական լինելը: Ցավոք սրտի, այս խնդիրն իրենց չի հետաքրքրում, և այդ պատճառով է, որ այս ուժերին չի կարելի կոչել ընդդիմադիր: Հայաստանի առջև այսօր կանգնած հիմնական խնդիրը հենց ազգային անվտանգության խնդիրն է: Մինչդեռ նրանք հավաքվում են, միտինգ են անում ինչ-որ անհեթեթ հարցերի շուրջ՝ կարմիր գծեր, թոշակներ»,- ասում է քաղաքագետը:
Մանրամասները կարող եք կարդալ` «Մեդիալաբի»-ի կայքում
