Վճռաբեկ դատարանի նախագահ Արման Մկրտումյանի եղբայրը՝ փաստաբան Ռուբեն Մկրտումյանը, պնդում է, որ եղբոր նկատմամբ անպատժելիությունը հանգեցրեց դատական համակարգում անպատասխանատվության եւ որոշ դատավորների «լկտիության»:
«Օրինակ, ինչպես դատավոր Արմեն Բեկթաշյանի պարագայում, որը դատական քննության ժամանակ «խուժան» անվանեց հայցվորին` «Հին Էրիվան հոլդինգ» ՍՊԸ-ի նախագահ Մանվել Տեր-Առաքելյանին, և, չնայած դատավորի էթիկայի կոպիտ խախտմանը, մնաց անպատիժ: Դա գիտի՞ պարոն նախագահը», -Aravot.am –ին ասաց Ռուբեն Մկրտումյանը:
Հիշեցնենք, որ Ռուբեն Մկրտումյանը պնդում է, որ իր եղբայրը՝ Արման Մկրտումյանը (լուսանկարում), պաշտոնական դիրքի չարաշահման արդյունքում կարճ ժամանակահատվածում միլիոնատեր է դարձել:
Արփինե ՍԻՄՈՆՅԱՆ
Կարդացեք նաև
Հ. Գ. Նշենք, որ մեզ դեռ չի հաջողվել Արման Մկրտումյանից մեկնաբանություններ ստանալ եղբոր այս պնդումների առնչությամբ: Նա չի պատասխանում հեռախոսազանգերին:
Ֆենոմենալ դեպք է պարոնայք, բայց բացատրելի՝: Եթե միլոնատեր է, ապա հոգին ու բարոյականությունը մի կողմ է դրել հաստատ, որը բոլորովին անհարիր պիտի դիտվի իր կոչման ու գործնեության հետ: Եւ պատկերացրեք թե ինչքան է՜ խորացել, որ հարազատ եղբորն է հասցրել! Ու քանի – քանիսն են նման «որակյալները», որոնք մեզ համար իրավունքներ են «ապահովում»? Ավելի լավ չէ՜ ժանտախտ կպնեինք, որ վարկվածները ոչնչանային ու մյուսները փրկվելու շանս ունենային, քան այսպես իրար ուտելով վերջանալ? Կարծում եմ, սրա համար ենք ցրվում աշխարհով մեկ, որպիսզի մեզ հատուկ ախտերից ազատվենք!