Քիչ առաջ իր տան մոտ՝ Սոսեի 2/2 հասցեում անհայտ անձը հարձակվել եւ ծեծի է ենթարկել ՀԱԿ խմբակցության քարտուղար Արամ Մանուկյանին:
Ինչպես հաղորդել է «Չորրորդ իշխանությունը»՝ ժամը 20-ի սահմաններում, երբ Ա. Մանուկյանը ներս է մտել իրենց շենքի շքամուտք, այնտեղ դարանակալած մի անթրաշ երիտասարդ, 30-35 տարեկան, հարձակվել եւ բռունցքով հարվածել է պատգամավորի դեմքին, որը հարվածից ընկել է եւ վնասվածքներ ստացել: Հարվածելուց հետո՝ առանց որեւէ բառ ասելու, երիտասարդը փախել է: Արամ Մանուկյանի խոսքով, իր վրա հարձակված անձը գլխարկով է եղել, որը մասամբ ծածկել էր նրա դեմքը:
Արամ Մանուկյանի հարազատներից մեկը Aravot.am-ին փոխանցեց, որ նրան այս պահին պատրաստվում են տեղափոխել հիվանդանոց:
Նրա խոսքերով՝ հիմա Արամ Մանուկյանի վիճակը նորմալ է, շատ բան չի եղել. «Հիմա ոստիկանությունն է այստեղ, տեղափոխում ենք հիվանդանոց: Շատ բան չեմ կարող ասել, մնացածը՝ հետո: Հարվածել են հիմնականում դեմքին»:
Կարդացեք նաև
Մեր հարցին՝ 1 հոգի՞ է եղել ծեծողը՝ նա պատասխանեց. «Չեմ կարող ասել: Մի հոգու է ֆիքսել, բայց դրսում էլ են եղել ոնց որ»:
Հռիփսիմե ՋԵԲԵՋՅԱՆ
Գաղտնի, թիկունքից ո*վ է հարձակվում:Թուրքե*րը:
Арам Манукян это символ незовисимой Армении…это нападеня на Армению…позор