«Լրագրողների նկատմամբ բռնությունները շարունակվում են, որպես կանոն հետաքննություն կատարվում է, որպես կանոն, երբեմն, նույնիսկ քրեական գործ է հարուցվում, բայց կարճվում հանցակազմի բացակայության պատճառով: Ես չեմ հիշում որեւէ դեպք, երբ քրեական գործը մինչեւ վերջ գնա»,- այսօր «Մեդիա» կենտրոնում ասաց իրավաբան Արա Ղազարյանը:
Անդրադառնալով Ա1+ -ի լրագրողի աշխատանքը խոչընդոտելու վերջին դեպքին, ասաց, որ նման դեպքերում ոստիկանությունը հայտարարում է, որ սպառնալիքը չի եղել իրական, բայց եթե այդ փաստերը քննվեին լրագրողի աշխատանքը խոչընդոտելու հոդվածով, ապա քրեական պատասխանատվության խոչընդոտողը կարժանանար.«Չեմ հիշում, որ նման դեպքերում պաշտոնատար անձինք դատապարտվեն իրենց հանցավոր արարքի համար: Սա վատ միտում է, վերջին ամիսներին էլ պաշտոնատար անձանց կեցվածքը փոխվել է»:
«Հրապարակ» օրաթերթի խմբագիր Արմինե Օհանյանն էլ ասաց, որ լրագրողների նկատմամբ բռնությունները չեն մնացել 90-ականներում. «Կան բռնություններ ու միայն գրանցված բռնությունները չեն: Կան հազարավոր դեպքեր, բախումներ լրագրողի ու պաշտոնատար անձի, օլիգարխի կամ քրեական տարրի, որոնք չեն բացահայտվում, դրանց մասին ոչ ոք չի իմանում:
Կարդացեք նաև
Արփինե ՍԻՄՈՆՅԱՆ
Լուսանկարը՝ «Մեդիա» կենտրոնի
