ՀԱԿ ներկայացուցիչ Վահագն Խաչատրյանը կարծիք հայտնեց, որ այդպիսով նոր փուլ թեւակոխեց պայքարը։ «Մեր խնդիրը մեկն է՝ պետք է հնարավորինս շուտ, կարճ ժամանակում կարողանանք իշխանափոխության խնդիրը լուծել, հիմա բոլորը պետք է կարողանան գնահատել իրավիճակը, ինչքան սա ձգվի, այնքան շատ կլինեն անօրինականությունները»։
Հարցին, թե այս բռնությունները կազդե՞ն եռյակի արմատական դառնալու վրա, ինչպես ՀԱԿ-ն է, պատասխանեց. «Ես համոզված եմ, որ Ազգային ժողովում ոչ իշխանականների տրամադրություններում էլ էական փոփոխություն կլինի, չեմ կարծում, որ ԱԺ¬ում ոչ իշխանական ուժերն իշխանության մասին այլ կարծիք ունեն, լավ գիտեն, որ այլ կերպ՝ գաղափարական դաշտում, իրենք չեն կարող պայքարել»։
Ամեն դեպքում, կարելի՞ է ասել՝ իշխանությունների բռնությունների շնորհիվ նոր փուլ թեւակոխեց պայքարը։ «Կարելի է… նոր փուլ այն առումով, որ մենք միշտ հուշել էինք, որ իշխանություններն ամեն ինչի պատրաստ են, եւ տեսնում ենք ընթացքը, պետք է արագ ավարտել եւ թույլ չտալ, որ կիրառի մեթոդները»։
Ի՞նչ նկատի ունեք՝ արագ ասելով։ «Էն նկատի ունեմ, որ պայքարը պետք է ակտիվացնել»։ Հունվարից հետո՞։ «Ի՞նչ գիտեք, կարող է եւ լինի առաջ, ո՞վ գիտեր, որ այսպիսի գործողություններ կլինեին»։
Կարդացեք նաև
Գայանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
