Վահրամ Բաղդասարյան. «Փորձում են երկրում կատարվող որեւէ դեպք օգտագործել էժանագին դիվիդենտներ շահելու համար». «Հայոց աշխարհ»

Հարցազրույց ՀՀԿ խորհրդարանական խմբակցության ղեկավար Վահրամ Բաղդասարյանի հետ

-Ձեր գնահատմամբ, համարժե՞ք են այսօր իշխանության քայլերը մեր երկրի թե՛ ներքին, թե՛ արտաքին մարտահրավերներին դիմակայելու առումով: 

-Հայաստանի իշխանությունը պատրաստ է դիմակայել թե՛ արտաքին, թե՛ ներքին մարտահրավերներին:

Ներքին, իհարկե, հակված չենք համարել մարտահրավեր, ես այն կհամարեի ներքաղաքական «աժիոտաժ»: Մոտենում է 2017 թվականը՝ ընտրություններ են, եւ քաղաքական ուժերն արդեն սկսել են նախապատրաստվել ընտրություններին: Այս առումով տարբեր քաղաքական ուժերի ակտիվությունը բնական եմ համարում, ի վերջո, 2017-ը սարերի հետեւում չէ, մարդիկ ինչ-որ ձեւով պե՞տք է ինքնադրսեւորվեն:

Կարդացեք նաև

«Իրենք, որ գնում են Տավուշ, մասնակցում ցույցերին, չգիտեմ՝ օգո՞ւտ են տալիս, թե՞ վնաս»․ Հայկ Մարությանը բացառում է ՀՀԿ-ի կամ Ռոբերտ Քոչարյանի ու նրա թիմակիցների հետ միավորվելը

• 17:00 01.05.2024

Արմեն Աշոտյան. «Հաշվի առնելով, որ Նիկոլը լայնածավալ հարձակում է իրականացնում մեր ինքնության դեմ, եկեղեցին ունի և իրացնում է իր իրավունքը պաշտպանել այն»

• 18:11 27.04.2024

Շարմազանով. «Միտինգի ենք գնում, ասում են՝ ինչի՞ են գալիս, չենք գնում` մեղադրում են. խի՞ չեք հեռացնում». «Հրապարակ»

• 10:47 25.04.2024

Մտահոգիչն այն է, որ որոշ մարդիկ փորձում են երկրում կատարվող որեւէ դեպք, նաեւ հարթակ օգտագործել էժանագին դիվիդենտներ շահելու համար:

Ինչ վերաբերում է արտաքին մարտահրավերներին, ապա դա եղել է, կա ու կլինի: Իսկ ես՝ որպես իշխանության ներկայացուցիչ, կրկին հայտարարում եմ՝ Հայաստանի Հանրապետությունը պատրաստ է դիմակայել ցանկացած մարտահրավերի: Մեր բանակն անսասան է, հզոր, ունենք հստակ քաղաքական գիծ, կայուն գաղափարախոսություն, գիտենք՝ ո՞ւր ենք գնում եւ ի՞նչ ենք անում: Հապշտապ քայլեր չենք անում, պահի ազդեցության տակ որեւէ հարց չենք կարգավորում, ամեն ինչը հաշվարկված է:

Արմինե ՍԻՄՈՆՅԱՆ

Հարցազրույցն ամբողջությամբ՝ «Հայոց աշխարհ» թերթի այսօրվա համարում