Երեկ հրապարակվել է նախորդ տարվա հազար խոշոր հարկատուների ցանկը։ Ըստ այդմ, վերջիններս պետական բյուջե են վճարել ընդհանուր առմամբ 700,5 մլրդ դրամ։ Այն 35,5 միլիարդով ավել է 2013թ. համեմատ։ Խոշորների վճարած հարկերի աճը գերազանցում է 5,2 տոկոսը։
Չնայած դրան, պակասել են առաջին տասնյակում գտնվող հարկատուների կողմից պետական բյուջեի նկատմամբ կատարված պարտավորությունները։ Ընդհանուր առմամբ նրանք վճարել են 182,2 մլրդ դրամ, ինչը գրեթե 2 միլիարդով զիջում է նախորդ տարվա ցուցանիշը։
Դա պայմանավորված է որոշ հարկատուների վճարների անկմամբ։ Երեւույթը նկատելի է հատկապես հանքարդյունաբերության ոլորտի ընկերություններում, որոնց վճարները կրճատվել են միջազգային շուկաներում տեղի ունեցող գնային բացասական դրսեւորումների հետեւանքով։ Այդ պատճառով խոշորների ցանկի գրեթե մշտական առաջատար «Զանգեզուրի պղնձամոլիբդենային կոմբինատը» հերթական անգամ զիջել է իր դիրքը։ Միայն այս ընկերությունը նախորդ տարի պակաս է վճարել գրեթե 18 մլրդ դրամ։
Ս. ԲԵԳԼԱՐՅԱՆ
Կարդացեք նաև
Հոդվածն ամբողջությամբ՝ «Հայոց աշխարհ» թերթի այսօրվա համարում
