Հերացի փողոցում վթարների հիմնական պատճառը ծննդատան հարեւանությամբ գտնվող հետիոտնային անցումն է: Փողոցը անցումով հատող քաղաքացիներին ճանապարհ տալու համար վարորդները կտրուկ արգելակում են՝ միմյանց հետեւից «ուտելով» հարվածներ:
Ընդամենը մի քանի մետր այն կողմ վերգետնյա անցում կա, որը կառուցվեց այս ծանրաբեռնված փողոցը հատող քաղաքացիների անցուդարձն անվտանգ ապահովելու համար, սակայն Ճանապարհային ոստիկանության կողմից հետիոտնային անցումն այդպես էլ «չապամոնտաժվեց»: Դրա պատճառով նույնիսկ ոչ պիկ ժամերին Հերացի փողոցում մշտապես խցանումներ են:
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ
07.02.2015
